प्रदेश प्रमुख परियारले सहिद दिवस, २०८० को अवसरमा दिनभएको शुभकामना सन्देश

माघ १६ सुर्खेत

सहिद दिवस २०८० को अवसरमा नेपाल र नेपालीहरुको आत्मा सम्मान र स्वतन्त्रताको रक्षाका लागि आफ्नो अमूल्य जीवन उत्सर्ग गर्नुहुने महान सहिदहरु शुक्रराज शास्त्री, धर्मभक्त माथेमा, दशरथ चन्द, गंगालाल श्रेष्ठ लगाएत सम्पूर्ण ज्ञात–अज्ञात सहिदहरु प्रति भावपूर्ण श्रद्धाञ्जली अर्पण  गर्नुभएको छ।

विज्ञापन

सहिद दिवस नेपालको राष्ट्रियता जनतन्त्र र जनजीविकाकोे लागि प्राण आहुति गर्ने महान सहिदहरुको विशेष सम्झनामा गरिने दिन हो । नेपाली जनतालाई सार्वभौमसत्ता सम्पन्न नागरिक बनाउन आफ्नो जीवन बलिदान गर्ने वीर वीरङगानाहरुको समझना गर्न हरेक बर्ष माघ १६ गने सहिद दिवसको रुपमा मनाइँदै आईएको छ ।

राणा काल पूर्वका र राणाकाल विरुद्धका विभिन्न आन्दोलन २००७ सालको परिवर्तन, जनआन्दोलन पहिलो र दोस्रो, १० वर्षे जनयूद्ध, मधेश र जनजाति आन्दोलनहरु मार्फत नेपालीजनताले जति उपलब्धि प्राप्त गरेको छ, ती महान शहिदहरुको संघर्ष त्याग र बलिदान बाट मात्र सम्भव भएको हो ।

सङघीय लोकतात्रिक गणतन्त्रलाई संस्थागत गर्न तथा नयाँ संविधानको कार्यान्वयन मार्फत देशलाई समृद्ध बनाउन सहिदहरुको सपना तथा योगदान सधै प्रेरणादायी हुने बताउनु भएको छ।

यस अवसरमा हामिले राष्ट्रिय एकतालाई अझ सुदृढ र दरिलो बनाउने गरी उपयोग गर्न र सबै नेपालीहरुले अपनत्व ग्रहण गर्न सक्ने उदेश्यले सरकारले पनि त्यसतर्फ निरन्तर प्रयास गरिरहने छ भन्ने विश्वास  ब्यक्त गर्नुभएको छ

अन्तमा वीर शहिदहरुले गरेको बलिदानको उच्च मूल्याङकन गर्दे सामाजिक न्यायसहितको समतामुलक र सभ्य समाज निर्माण गर्ने सहिदको आकांक्षालाई साकार बनाउन सबैले आ–आफ्नो तर्फबाट सकारात्मक भूमिका खेल्ने प्रेरणा प्रदान गर्ने छ भन्ने विश्वास  ब्यक्त गर्नुभएको छ।

ई-प्रतिविम्ब

लेखकबाट थप

सामाजिक न्याय र दलित मानवअधिकारकाे लागि हाम्रो पत्रकारिता