सल्यानमा बजाज सोरुममा आगलागी हुँदा ६ लाख बराबरको क्षति

वैशाख २१,सल्यान 

सल्यान शारदा नगरपालिका १ श्रीनगरमा रहेको बजाज सोरुममा आगलागी भएको छ।

बिजुलीको वाइरिङ सट भई  बिहिवार  सोरुममा आगलागी हुँदा ६ लाख बराबरको क्षति भएको जिल्ला प्रहरी कार्यालय सल्यानले जनाएको छ ।

आगलागी हुँदा मर्मतका लागि ल्याइएको खानेपानी तथा सरसफाई कार्यालय सल्यानको मोटरसाइकल पूर्ण रुपमा जलेर नष्ट भएको छ ।

यस्तै सोरुममा रहेका ५ पिस फाइबर जस्ता पाता, एक हजार लिटरको हिल ट्यांकी, मोबिल र मोटरसाइकलमा प्रयोग हुने औजार गरी ६ लाख बराबरको क्षति भएको जिल्ला प्रहरी कार्यालय सल्यानका सूचना अधिकारी भवानी प्रसाद धमलाले जानकारी दिनु भयो ।

प्रहरी, स्थानीयको सक्रियतामा आगो पूर्ण रुपमा नियन्त्रणमा आएको उहाँको भनाई छ ।

ई-प्रतिविम्ब

लेखकबाट थप

सामाजिक न्याय र दलित मानवअधिकारकाे लागि हाम्रो पत्रकारिता