मोटरसाईकलमा सवार सुनारलाई दुर्लभ रेडपाण्डाकाे छाला सहित दाङ बाट प्रक्राउ
साउन ४, सल्यान
रा ४ प ९८५० नम्बरको मोटरसाईकलमा सवार सुनारलाई गोप्य सूचनाको आधारमा जिल्ला प्रहरी कार्यालयबाट खटिएको साधा पोशाकका प्रहरीले दुर्लभ रेडपाण्डाकाे छाला सहित दाङ बाट पक्राउ गरेकाे हाे ।
सोमबार मध्यान्ह १२ बजेतिर सुनारलाई दाङकाे घोराही उपमहानगरपालिका वडा नं. ११ खैराबाट पक्राउ गरिएको जिल्ला प्रहरी कार्यालयका प्रबक्ता मुकुन्द रिजालले बताए ।
बरामद भएको रेडपाण्डाको छाला पुच्छरदेखि टाउको सम्म ३ फिट ३ इञ्च लामो र छातिको भागको चौडाई ८ इञ्चको रहेको प्रहरीले जनाएको छ । बरामद छाला नङग्रासहितको छ ।
दाङमा दुर्लभ बन्यजन्तु रेड पाण्डाको छालासहित पक्राउ पर्नेमा सल्यानको छत्रेश्वरी गाउँपालिका वडा नं. १ दमाचौरका ३२ बर्षीय लोकमान सुनार रहेका छन् ।
सुनार बारे थप अनुसन्धान भइरहेको प्रहरीले जनाएको छ । सात दिन भित्रै प्रहरीले दाङबाट दूईवटा रेडपाण्डाको छालासहित तीन जनालाई पक्राउ गर्न सफल भएको छ ।
यसअघि दाङमा रेडपाण्डाको छाला सहित यसरी मानिस पक्राउ परेका घटना सार्वजनिक भएका थिएनन् ।
सामाजिक न्याय र दलित मानवअधिकारकाे लागि हाम्रो पत्रकारिता
लेखकको सम्वन्धमा