सैनामैनामा दलित समुदायका लागि कानुनी परामर्श तथा सशक्तीकरण तालिम सुरु

सैनामैनामा दलित समुदायका लागि कानुनी परामर्श तथा सशक्तीकरण तालिम सुरु भएको छ । सैनामैना दलित उत्थान समितिको आयोजना तथा सैनामैना नगरपालिकाको समन्वयमा शुक्रवारदेखि दुई दिने कानुनी परामर्श तथा सशक्तीकरण तालिम सुरु भएको हो ।
सैनामैना दलित उत्थान समितिका अध्यक्ष अम्बिका परियारको अध्यक्षता सैनामैना नगरपालिकाका प्रमुख फणेन्द्र प्रसाद शर्माको प्रमुख आतिथ्यता तथा उपप्रमुख विना रानाको विशिष्ट आतिथ्यतामा तालिमको उद्घाटन गरिएको हो ।

सो अवसरमा सैनामैना नगर प्रमुख फणेन्द्र प्रसाद शर्माले पछाडि परेका दलित समुदायको हक, अधिकार र समग्र उत्थानका लागि नगरपालिका प्रतिबद्ध रहेको बताउनुभयो ।
दलित समुदायको हक, हित, संरक्षण, संम्वद्र्धन र सशक्तिकरण गर्न नगरपालिकाले कार्यक्रम तथा बजेट विनियोजन गरी यो समुदायको पेशा, व्यवसाय र कलाको उत्थानमा अघि बढेको बताउनुभयो ।
नेपालमा अन्धविश्वास तथा सामाजिक कुसंस्कारका कारण दलित समुदायमाथि भेद्भाव र हिंसाजन्य घटना घटिरहेको हुन्छन् यस्ता कुरीतिलाई अन्त्य गर्न स्वंयम यो समुदाय नै सक्रिया भएर अघि बढ्नुपर्ने नगर प्रमुख शर्माले जोड दिनुभयो ।
उहाँले भन्नुभयो, आर्थिक अवस्था कमजोर भएकै कारण दलित समुदायका व्यक्तिहरु विभेदको सामना गर्नुपर्ने बाध्यता छ, यो समुदायमाथि हुने विभिदे न्युनिकरण गर्न र उनीहरुको आर्थिक अवस्था सुधारका कार्यक्रम पालिकाले संचालन गर्दै आएको जानकारी गराउनुभयो । प्रमुख शर्माले सीप, कला र श्रममा यो समुदाय अघि रहेकोले पेशा व्यवसायमा अनुदान, सीप, कलाको संरक्षण र प्रोत्साहनका लागि आगामी वर्ष पनि कार्यक्रमलाई निरन्तरता दिदैँ जाने बताउनुभयो ।

विज्ञापन

नगर उपप्रमुख विना रानाले संविधानले छुवाछुत र भेद्भावलाई निरुत्साहित गरेको भएपनि समाजमा यस्ता गतिविधि अझै पनि कायम रहेकोमा दुख व्यक्त गर्नुभयो । उहाँले यो समुदायको उत्थानका लागि नगरपालिकाले क्षमता अभिवृद्धि, आयममुलक तालिम र सचेतनाम्लक कार्यक्रमहरु गर्दै आइरहेको बताउँदै दलित समुदायका महिला दिदीबाहिनीहरु जुनसुकै काम गर्न पनि दृढताका साथ लागेर सक्षम र आत्मनिर्भर बन्नुपर्ने जोड दिनुभयो ।

अधिवक्ता गौमती सुनारले दिनुभएको छ । प्रशिक्षण कार्यक्रममा बोल्दै सुनारले महिला तथा दलित समुदायमाथि हुने गरेका विभिन्न किसिमका हिंसाको जानकारी दिदै ती हिंसाबाट कसरी जोगिने, कानुनी उपचार के कस्तो हुनसक्छ भन्ने बारेमा जानकार र सचेत बनाउनुभयो ।

भगत सर्वजित स्मृती प्रतिष्ठान सैनामैना ५ कलौनीको सभाहलमा तालिम संचालन भैरहेको छ ।