दार्मा २ डल्सिङ्गेमा स्थानीयकाे जनश्रमदानबाट विपन्नकाे साैचालय निर्माण

जेठ १३ सल्यान

दार्मा गाउँपालिका वडा नं २ डल्सिङ्गेमा एक  विपन्न घर परिवारकाे  साैचालय निर्माण गरिएको छ।

विज्ञापन

दार्मा गाउँपालिकाले स्थानीय सरकार सञ्चालन प्रक्रियालाई टाेल सम्म पुर्याउदै टाेल विकास संस्थालाई स्थानीय समस्या चासाे दिने र समस्या समाधान गर्न सक्रिय रुपमा परिचालन गरे लगतै टाेल विकास संस्थाकाे पहलमा दार्मा २ डल्सिङ्गेका एक विपन्न घर परिवारकाे साैचालय निर्माण गरिएको हाे।

गाउँ समस्या पहिचान गर्न अघिल्लो दिनकाे बैठक गरेकाे टाेल विकास संस्थाले टाेलका सम्पूर्ण सदस्यहरुलाई परिचालन गर्न सामुदायिक वनका अध्यक्ष बलवीर खत्री सचिव सेतु खत्री संग समन्वय गरि टाेल विकास संस्थाका अध्यक्ष डिले खत्रीले जनश्रमदानबाट साैचालय निर्माण गर्न पहल गर्नुभएको छ।

गाउँका समस्या व्यक्तिका नभइ साझा हुन्छन् भन्ने उदाहरण दिदै डल्सिङ्गे टाेल विकास संस्थाले एक उदाहरणीय कार्य थालेकाेमा दार्मा गाउँवालिका अध्यक्षले अब गाउँकाे विकास माेडेल दुई तरिकाबाट थालेकाे बताउनु भयाे ।

विकासमा अब सरकारकाे अनुदान र जनसमुदायको जनश्रमदान अनिवार्य गर्न वडा र टाेल विकास संस्था संग सहकार्य गर्ने उहाँको भनाइ छ।

ई-प्रतिविम्ब

लेखकबाट थप

सामाजिक न्याय र दलित मानवअधिकारकाे लागि हाम्रो पत्रकारिता