एमाले महासचिव शंकर पोखरेललाई १सय ९६ मतले पछाडि पार्दै माओवादी नेतृ रेखा शर्मा विजयी
मंसिर ८ दाङ
दाङ निर्वाचन क्षेत्र नम्बर २ मा एमाले महासचिव शंकर पोखरेललाई हराउँदै माओवादी नेता रेखा शर्मा विजयी भएकी छिन् ।
सत्ता गठबन्धनबाट उम्मेदवार रहेकी माओवादी नेता रेखा शर्मा १ सय ९६ मतान्तरले विजयी भएकी हुन् ।
शर्माले २६ हजार ८ सय ७७ मत ल्याउँदा पोखरेलले २६ हजार १ सय ८९ मत प्राप्त गरे ।
आधार इलाकाकाे शान जाेगाउन सफल माओबादी नेतृ रेखा शर्माकाे विजयकाे दिनलाइ महत्व रुपमा हेरिएकाे छ।
को हुन् रेखा शर्मा ?
२०२६ सालमा दाङमा जन्मिएकी रेखा शर्माले २०४२ सालमा अनेरास्ववियुको स्कुल इकाई कमिटीबाट विद्यार्थी राजनीतिक यात्रा सुरु गरेकी हुन् ।
त्यस्तै २०५१ सालमा योङ्ग कम्युनिस्ट लिगको केन्द्रीय सदस्य भएकी थिइन् । त्यस्तै उनी २०५७ सालमा तत्कालीन नेकपा (माओवादी) को केन्द्रीय सदस्य भइन् ।
२०५३ सालदेखि ०५८ सम्म उनी अनेमसंघ क्रान्तिकारीको अध्यक्षको जिम्मेवारीमा रहिन् । एमाले र माओवादीको एकतापछि बनेको नेकपाको केन्द्रीय सदस्यमा समेत रहिन् उनी । त्यस्तै गत वर्ष सम्पन्न माओवादी महाधिवेशनबाट उनी स्थायी कमिटी सदस्य बनिन् ।
शर्माको संसदीय यात्रा भने २०७० बाट सुरु भएको हो । उनी २०७० र २०७४ मा प्रतिनिधिसभा सदस्य निर्वाचनमा समानुपातिक प्रणालीबाट निर्वाचित भएकी थिइन् ।
२०७२ साल कात्तिकदेखि २०७३ कात्तिकसम्म उनी सामान्य प्रशासन मन्त्रीको जिम्मेवारीमा रहिन् । उनी सशस्त्र द्वन्द्वको समयमा २०५८ साल चैतदेखि २०५९ चैतसम्म एक वर्ष सैनिक हिरासतमा समेत परेकी थिइन् ।
सामाजिक न्याय र दलित मानवअधिकारकाे लागि हाम्रो पत्रकारिता
लेखकको सम्वन्धमा