कर्णाली प्रदेश सरकारकाे पहिलो निर्णय १० हजार बेरोजगारलाई रोजगारी दिने

ई-प्रतिविम्ब
२०७९ पुष २८
463 views

पुष २८ सुर्खेत

कर्णाली प्रदेश सरकारले १० हजार बेरोजगारलाई रोजगारी दिने निर्णय गरेको छ ।

पदभार सम्हालेपछि पत्रकारहरू सँगको कुराकानीमा मुख्य मन्त्री शर्माले भने, ‘कर्णाली विकटतामा छ भनिएको छ, कर्णालीभित्र गरिबी छ, त्यस कारण हामीले दुईवटा अभिभारा पूरा गर्नु छ । पहिलो खुसी प्राप्त गर्नु छ, भने दोस्रो सुखी प्राप्त गर्नु छ ।

सुखी हाम्रो आर्थिक सम्पन्नता सँग जोडिएको छ भने खुसी हाम्रो सामाजिक न्यायसँग जोडिएको छ ।

त्यसकारण आर्थिक रूपमा सम्पन्नता र सामाजिक न्याय पूरा गर्नेतर्फ हामीले काम गर्नुपर्नेछ ।

यी दुईवटा अभिभारा पूरा गर्नका निमित्त हामीले हाम्रो पहिलो शत्रु गरिबी देखेका छौँ, र यो गरिबीको अन्त्यका लागि कर्णालीमा रोजगारसँगै स्वरोजगार जोड्न चाहन्छौँ । त्यसका लागि हामीले कर्णाली समृद्धिको अभियान थाल्दैछौँ ।’

मुख्यमन्त्री शर्माले अगाडि भने, ‘प्रदान गर्नका निम्ति कार्यविधि, नीति र बजेट तर्जुमा गरेर अगाडि बढ्ने निर्णय गरिएको छ ।’