तर पनि……. साथी !
-
ई-प्रतिविम्ब
- २०८० जेष्ठ १५
- 382 views
जेठ १५ सल्यान /हिराला केसी दार्मा गाउँपालिका सल्यान
तर पनि…….
साथी !
मलाई भाेकले बाेली नै आउंदैन
क्षमा गर
मैले गणतन्त्र जिन्दावाद भन्न सकिन
राेगले ओछ्यानमा थला परेकाे छु
उत्सवमा भाग लिन सकिन
साथी !
मलाई क्षमा गर
मैले गणतन्त्र दिवस मनाउन सकिन ।।
साथी !
म भर्खर चाेकमा तरकारी घाेप्ट्याएर आएकाे छु
घाटाकाे तनावले रन्थनिएर बसेकाे छु
पल्लाे घरकाे साईलाले दूध घाेप्ट्यायाे
माथिल्लाे घरकी दिदी
लघुवित्त बिरुद्धकाे आन्दाेलनमा छिन्
क्षमा गर साथी !
म गणतन्त्रकाे उत्सवमा आउन सकिन ।
मैंले गणतन्त्र जिन्दावाद भन्न सकिन ।।
साथी !
हिजाे गाेली लागि पिप बगिरहेकाे जनयाेद्दा
मृत्युसैयामा छटपटाईरहेकाे छ
क्रान्तिका लागि झाेला बाेकेकाे कार्यकर्ता
आज खाडीतिर रुन्छ
म घाईते याेद्दालाई मलम लगाउं कि
खाडीकाे कमरेडलाई सम्झाउं ?
क्षमा गर साथी म गणतन्त्र उत्सवमा
आउन सकिन
उफ्री उफ्री गणतन्त्र जिन्दावाद भन्न सकिन ।
साथी !
मेराे वरिपरि अझै पनि
दुईखाले पाठशाला छन्
दुईखाले अस्पताल छन्
दुई खाले न्यायका तराजु छन्
गणतन्त्र वरिपरि लपेटिएकाे माफियाले
मलाई नजिक पर्नै दिदैन
यस्ताे बेला क्षमा गर साथी
मैले छात्ती खाेलेर गणतन्त्र जिन्दावाद भन्न सकिन ।।
साथी !
गणतन्त्र उत्सवमा अाउन सकिन
गणतन्त्र जिन्दावाद भन्न सकिन
तर पनि
टाढैबाट गणतन्त्रलाई
मेराे अगाध माया छ भनिदिनु है !
किनकी
मेराे पनि त्यसमा धेरै पसिना बगेकाे छ ।
सामाजिक न्याय र दलित मानवअधिकारकाे लागि हाम्रो पत्रकारिता
प्रतिकृया दिनुहोस्
सम्बन्धित समाचार
- सहिदहरु प्रति उच्च सम्मान प्रकट पश्चात मन्त्री परियारले गरे पदभार ग्रहण
- कर्णाली प्रदेश सरकारको मन्त्री बने रनसिंह परियार
- बुटवलमा ३ दिने भलिबल प्रतियोगिता शुरु
- बुटवलले ल्यायो नेपालीसहित थारु, मगर र नेपाल भाषामा नागरिक बडापत्र
- सल्यान उद्योग वाणिज्य संघ निर्वाचन कम्युनिष्टको एक छत्र जित
- लुम्बिनी निर्माण व्यवसायी संघ रुपन्देहीद्धारा नयाँ बर्षको शुभकामना सगैँ पात्रो विमोचन
- तीन महिने हार्मोनियम तथा मादल बजाउने तालिम सम्पन
- सल्यानमा छुट्टाछुट्टै स्थानमा आगलागी हुँदा गोठ जलेर नष्ट
- रैनादेवी छहरा सम्पर्क समाज रुपन्देही द्धारा नया बर्षको शुभकामना आदान प्रदान
लेखकको सम्वन्धमा