ताजा अपडेट
ताजा अपडेट ×
DK hd tv
गुलेली र नाला पानी

गुलेली र नाला पानी

मंसिर २४  पुर्वी रुकुम  उपेन्द्र लाल कामी
बिरासत जोगाउदै इतिहासको
वीर बलभद्रका सन्ततीहरु
छिमेकीले मिच्दै आएको
बिस्तारवादले थिच्दै आएको
मातृ भूमिको सीमा रक्षा गर्न
नाला पानी लडाइँको झल्को दिने गरि
सुस्ता, लिपुलेक, कालापानीकी चेली
सिमाना रक्षाको खातिर उठाइन् गुलेली !
पुर्व, पश्चिम र दक्षिणबाट
अजिङ्गरले घेरे झै न्याउरी मुसोलाई
अआधुनिक अस्त्रको वस्त्र पहिरिएर
सुसज्जित भएको दुष्ट छिमेकीलाई
चुनौती दिंदा गुलेली र लट्याङ्ग्राले
लात्ती हाने झैं भएपनि फटयांग्राले
देशभक्तिको भाव सबल छ ।
राष्ट्रियतालाई जोड्दै मेची- महाकाली
संघर्षको प्रतीक हो उठाएको गुलेली !
केठाकेटी आएर गुलेली खेलाए झैं
मट्याङ्ग्रोको सत्यानाश नहोस् !
हरेक स्वाभिमानी नेपालीलाई
केही गर्नसक्ने आत्मविश्वास होस् !
परास्त गर्न सकियोस् दुष्टको बर्बरता
अन्त्य गर्न सकियोस् सिमा पारिको निर्भरता
हामी भित्रकै राष्ट्रघातीहरू चिनौं !
देश द्रोहीको खुकुरीले गर्धन छिनौं !
बाँझो जमिनलाई हराभरा बनाउन
विकासका पूर्वाधारले धर्ती सजाउन
स्वदेशमै श्रम-पसिना पोख्नु छ ।
विज्ञान र प्रविधिको प्रयोग गरि
समृद्धिको सुन्दर बिरुवा रोप्नु छ ।
शान्ति र समृद्धिमै अब जुटौं नेपाली
आत्म रक्षाको प्रतीक हो हाम्रो गुलेली !
            उपेन्द्र लाल कामी   रुकुमकोट रुकुम (पुर्व) २०७९/०८/२४ गते

सामाजिक न्याय र दलित मानवअधिकारकाे लागि हाम्रो पत्रकारिता