सुर्खेतमा धारिलाे हतियार प्रयाेग गरी श्रीमानले गरे श्रीमतीकाे हत्या

ई-प्रतिविम्ब
२०७९ मंसिर २०
777 views

मंसिर २० सुर्खेत

सुर्खेतमा धारिलाे हतियार प्रयोग गरी श्रीमानले आफ्नै श्रीमतीकाे हत्या गरेका छन।

जिल्लाको पञ्चपुरी नगरपालिका ३ तोक्मा बस्ने ३८ वर्षिय अम्मर आले मगरले मंगलवार दिउँसो ३ बजे धारिलो हतियारले आफ्नै श्रीमती अन्दाजी ३० वर्षिय मिना आलेको घाँटी काटि टाउँको प्लाष्टिकको थैलोमा राखेर भागिरहेका अवस्थामा प्रहरीले पक्राउ गरिएको हो ।

उनलाई ईलाका प्रहरी कार्यालय बावियाचौरबाट खटिएको ३ जनाको प्रहरी टोलीले सोही ठाउँको पलैटे स्वाथ्य चौकी पछाडिबाट पक्राउ गरेको हो ।

उक्त घटना स्थलमा इलाका प्रहरी कार्यालय बावियाचौरबाट १३ जनाको प्रहरी टोली खटिएको छ । उनको घरमा छोरा छोरी र आमा रहेको बताइएको छ । घटनाको कारण भने खुल्न बाकी रहेको र आले मगरलाई प्रहरीले नियन्त्रणमा लिएर थप अनुसन्धान गरिरहेको इलाका प्रहरी कार्यालय बावियाचौरले जनाएकाे छ ।