मुक्तक

सुनिता प्रतिबिम्ब
२०७९ श्रावण १२
319 views

स्वार्थी बन्छ मन जलाउँछ थाहा छैन र ?
पछितिरबाट छुरी चलाउँछ थाहा छैन र ?
माथिबाट हात दिन खोज्छ पराइ बरू,
फेदबाट आफ्नैले ढलाउँछ थाहा छैन र ??
न टेक्ने जग, न ओत्ने छानो भो,
सम्बन्ध रेटियो -प्यार अचानो भो,
थियो हिजोसम्म आफ्नै समिपमा,
खोइ किन उही आज बिरानो भो ।।
मलाइ म रहन देउ तिमी हुनु छैन
खोक्रो आडम्बरको शिखर छुनु छैन
म जे छु आफ्नै श्रम र शिपले छु
कसैको सामु झुक्नु निहुरिनु छैन ।।