ताजा अपडेट
ताजा अपडेट ×
DK hd tv
सिद्धकुमाख गाउँपालिकामा ५ सय बढीले स्वास्थ्य सेवा लिए

सिद्धकुमाख गाउँपालिकामा ५ सय बढीले स्वास्थ्य सेवा लिए

असार ४ गते सल्यान

सल्यानको शिद्धकुमाख गाउँपालिकाले आयोजना गरेको निःशुल्क स्वास्थ्य शिविरमा ५ सय भन्दा बढीले स्वास्थ्य सेवा लिएका छन् ।

गाउँपालिकाको आयोजना र  सिटी हस्पिटल दाङको  सहकार्यमा भएको एक दिने निःशुल्क स्वास्थ्य शिविरमा ५ सय ७४ मध्ये सय ९४ जना महिला र १ सय ८० जना पुरुषले स्वास्थ्य सेवा लिएको गाउँपालिकाले जनाएको छ । 

६ जना विशेषज्ञ डाक्टरहरूले उपचार सेवा दिएकाे शिविरमा हाड जोर्नी, नसा, नाक कान, घाटी, आँखा,मधुमेह र स्त्री रोगका बिरामीले निःशुल्क स्वास्थय सेवा लिएका छन ।

शिविरमा आउने बिरामीका लागि निःशुल्क स्वास्थ्य परामर्श, औषधि, ल्याब तथा भिडियो एक्स-रे लगायतका सेवा उपलब्ध गराइएका गाउँपालिकाले जनाएको छ । शिविरमा ४ वर्षीय बालबालिका देखि किशोर किशोरी र ८० वर्षका बृद्धबृद्धाले समेत  सेवा लिएका छन् । निःशुल्क स्वास्थ्य सेवा लिन पाउँदा नागरिक खुसी भएका छन् ।  

निःशुल्क स्वास्थ शिवर उद्धघाटन कार्यक्रममा जिल्ला समन्वय समिति सल्यानका प्रमुख वेलाराम गाउँपालिका अध्यक्ष भरत गीरी उपाध्यक्ष राम बहादुर बस्नेतकाे उपस्थिती रहेकाे थियाे।

सामाजिक न्याय र दलित मानवअधिकारकाे लागि हाम्रो पत्रकारिता